මතකය
සීතලට ඇද වැටෙන පොද වැස්සේ ගුලි වෙලා
මතකයිද සඳ එළියේ තරු ගැන්නා තනි වෙලා
කහ පාට මල් වැටුන ගුරු පාරේ දොළ අයිනේ
මතකයිද අපි දෙන්නා පිය මැන්නා හැන්දෑවේ
කිරි වැදුන නිල් ගොයම් දඟ කරන වෙල් යායේ
මතකයිද අපි දිව්වා පොඩි කාලේ ගම් මැද්දේ
පොද වැස්සේ පිපුන මල් අද හොරෙන් පරවෙලා
නිල් ගොයම සිත දුකින් තනි කමෙන් වියළිලා
ගම දාලා ගිය දාම ඔබ මගෙන් වෙන් වෙලා
මෙහි තිබුන සිරියාව නැත කොහිද සැඟවෙලා
Share This Post
No comments:
Post a Comment